Mamamanis・湊B日誌

豆豆歲半後識多咗好多野，好似顏色、形狀、五官既認知，拍手、轉團等等指令已經識晒， 邊到學返黎？相信迪士尼美語世界係其中之一既功勞！ 迪士尼美語世界入面既playalong可以學到晒以上既野，豆好鐘意音樂，一路聽一路學，無意中咁洗腦式學習。豆媽日日都播一次，佢已經熟到唔睇都記得點唱，睇過DVD明白晒歌詞既意思，其後俾CD版佢都一樣好享受，可以跟到歌詞去跳舞～ 好多媽媽都擔心俾太早俾電子產品俾小朋友會唔好，豆媽就覺得用得適量，唔過份就可以了！其實除咗睇DVD之外，仲有其他野可以同佢地玩架，不妨睇下我有咩ideas啦！ 1. Progress Book・痴痴貼貼 + Find the object 我諗冇小朋友係唔鐘意貼紙既，呢本Progress book係用黎俾小朋友完成step by step後玩，雖然豆未玩到step by step住，但呢本書就玩得喇！ Progress book 靜電貼紙 呢本書既好處係可以不段重覆痴貼，唔駛擔心玩完就冇用，仲可以將佢痴係玻璃上面，咁樣痴痴貼貼就已經陪豆豆玩咗起碼半個鐘以上喇！貼咗上玻璃就同佢玩個小遊戲。 Where is the rainbow? Where is mickey? Where is minnie's hat? Who is sleeping?  豆都指得好快！ 問完就搵返相應既物品貼返落書入面。 2. 體驗做strong man 豆好鐘意青色系列 - The Circus，特別係strong man，一聽到首歌會開心到彈彈下，仲會做出舉重既手勢呢～有見及此，豆媽用枝捧係兩邊綁氣球整咗個玩具俾佢扮舉重，豆見到即搶黎舉，好投入！ 材料非常簡單， 一枝捧、兩個 氣球、兩個接駁器， 咁就可以哄到佢咁開心喇！ 投入感100分 3. 學顏色 最近拎返playmate同佢玩，除咗碌卡學 顏色之外，豆媽仲會拎埋相對應既顏色俾佢配對，另外會再播「I see something blue」，三樣野加埋仲唔明！ 呢度係佢自己配對的 呢首歌可以增強對顏色既記憶 4. 學生果 Playalong既生果玩具除咗用黎切都仲可以咁樣玩架，早前買咗foo

相信有好多家長因為貴而選擇 網上買「二手」， 最近有媽媽問過我買二手$15000抵唔抵，值唔值等既問題 ，所以今次想集中講下二手同一手既分別係邊度。 一套全新完整既教材係包括以下幾項： 迪士尼書架連書盒 DVD Player (Full payment附送) Mickey Magician(會發聲，可以同書本對應做反應既公仔) 書本 Guide Book DVD CD 玩具(配合Play along! DVD一齊玩) 點讀筆(配合主課本 Straight Play用) 讀卡機(配合卡用) 卡 海報(三張) Flash card(6盒)  Activity card(另外加錢買，Basic plan冇包) 豆媽用咗差唔多一年多，我 覺得其中 最值既一部份 係 會藉、活動同服務 ，買二手除咗唔知自己冇咗邊一part外，仲享用唔到佢地既服務！ 會藉有咩特別？ 1.  有壞包換 （ 重要★★★★ ★ ） 小朋友4-5個月後好鐘意用手去摸索，書本內頁同 學習卡 都避免唔到會俾佢地整爛， 會藉期內除左消耗品(貼紙、玩具）之外，任何書/學習卡/光碟都可以更換。 如果冇得換而俾佢撕爛真係會心痛 豆媽通常會儲埋十件o係網頁登記，佢地收到後會打電話黎確認，兩星期內拎返舊書就可以換到全新既書同CD架喇！ 換書地點位於旺角朗豪坊辦公室 2. 電話熱線 （ 重要★★★★☆） 寰宇家庭會定期打黎更進豆豆學習情況，會問下學成點、有冇報堂或者對課程有冇疑問。 呢個電話可以話有冇都得，但豆媽覺得小朋友學得好唔好係好睇家長用得多唔多，坦白講有時自己 都會懶咗，所以呢個電話會提下我用多D套教材，唔好浪費咗！ 仲有值得讚係一有問題我打上hotline都好快得到回覆， 售前 售後都令我好滿意。 3. 雙月刊 （ 重要★★★ ☆ ☆ ） 每兩個月就會寄一次月刊到屋企，一本係介紹活動內容，用家分享等等，另一本係俾小朋友玩得畫得既書仔～ 暫時豆豆都未用到本書仔，但我會保存好俾佢大小小玩。 3.  參加活動 （ 重要★★★ ★ ★ ） 小朋友經過大量輸入英語後，當然要俾機會佢輸出。 寰宇家庭會員可以參加同課程有關既室內同戶外活動， 由外至內都俾到小朋友一個英語學習環境。 有別於一般既playgr

踏入一歲後，大家對豆豆既期望都高咗，的確自己都會有呢種心態， 好似過咗一歲就係大個女既指標， 「聽得明，行得好，識講野」都應該的， 開始識睇人眉頭眼額，但其實豆都係一知半解，好多野都係學習當中。 有一日豆訓前自己開窗簾望 風景 懂得表達自己意願 豆豆仲未識講野表達自己，但佢識點頭同搖頭去表達yes or no，好似飲水時會問佢要唔要，佢唔飲會搖頭，又例如食緊鐘意既野時會點頭。 呢點證明佢擁有愈黎愈多自己既思想同意願，愈黎愈有性格！ 心情好叫佢做咩動作都肯～ 搗蛋王 無論出街或者係屋企，豆都係會搞亂檔，出街會將人地既貨搬黎搬去，屋企就整到成地都係玩具⋯⋯見到佢咁活潑好動其實好開心，但另一方面就好苦惱，唔知點去教佢執好玩具同唔好影響人地舖頭運作⋯ 跌碰小不免，家長要學習放下 抬頭、轉身、爬行、坐、企、行、跑都係成長必經階段。 識行之後成日都唔駛人拖住，係街上亂咁走， 跌親 個個人都唔想，第一唔好俾身邊人有壓力，覺得照顧不周先令佢受傷，第二要知道小朋友 跌跌碰碰小不免，一定會面對受傷過程，唔好過份緊張，皮外傷一定會好返既！ 大家又有冇諗過小朋友整親應該用咩態度去面對呢？ 我覺得有三類人：  1. 呵返錫返抱返  2. 邊到整親佢就打邊度無數  3. 故勵小朋友唔再喊，下次如何避免再整親 我最唔想見到就係「2」，今次可能係張台角整親，下次可能係小朋友撞到佢，咁係咪要打返小朋友無數呢？ 我會先做「3」，適當時做「1」，呵返唔係憐憫佢地，係想佢地感受到媽咪重視同擔心，受傷媽咪都一樣痛。 撞親豆媽會先睇豆反應，有時腫成咁都唔會喊，我都冇哄佢。 食固情況 都係維持三餐，早餐有時會有粥、生果或者麵包。豆 學緊用餐具，自己用匙羹舀到會咪咪咀笑。午餐同晚餐大致同以前一樣，中間會有零食同生果提供，兩餐牛奶，一餐奶粉！ 自己病了，是擔心傳染給小朋友 豆豆打一歲針個兩星期，豆媽日日都有同佢度體溫，最後係冇發燒，超叻叻！ 但兩星期後豆媽感冒⋯次次病最怕都唔係自己會幾辛苦，係怕會傳染俾小朋友，返屋企帶口罩，食飯用公筷等等，但最後都係傳咗俾佢，最後都係要發燒⋯一發燒同咳，最唔想既事情就會發生，就係嘔😢 剛巧要去旅行，幸好上機前一日退咗

成日聽人講小肌肉 發展 對0-6歲既小朋友成長好重要， 訓練得好， 對佢地日後各方面發展都有幫助。 而各種小肌肉訓練就係 日常生活有密切既關係，好似進食、書寫、甚至玩玩具都可以 訓練到， 只要俾多D 機會佢地就會慢慢見到成績！ 進食方面 自 豆豆坐穩後就開始引入固體食物，豆媽係採用BLW方式，全程都係自己拎住黎食，菜心、麵、生果，唔同質感既食物都俾佢感受下，從細接觸腦仔會靈活D。 食米餅 食蔬菜、肉類 攝於豆豆・7m26days 書寫方面 雖然豆豆未識寫字畫畫，但書同點讀筆係可以俾佢地睇同用架喇⋯ 由豆豆8個月左右，豆媽會俾主教程既書本佢嘗試 自己揭。如果怕撕爛可以先俾唔要既宣傳單張教佢、陪佢睇，睇得多，你會發現撕既動作都會慢慢愈黎愈小～ 揭書： https://youtu.be/FFqG-QpZCNk 攝於豆豆・10m16days 點讀筆由十一個月開始識用，雖然都係篤幾下玩下，但佢有興趣既會用返手指指住， 問佢邊到有波波，佢都會指出黎表示佢明白架！ 玩點讀筆： https://youtu.be/PqIASEyp9Z4 攝於豆豆・11m11days 除咗書本， 迪士尼美語世界會有flash card同圖卡玩，呢套係介紹卡通人物，五個幾月就比佢睇喇，手指仔識楂住張卡。 玩具方面 其實一直都好怕買玩具，第一 屋企位置有限 ，第二 愈多玩具會令佢地分心 ，第三 唔想寵壞佢 ， 所以豆媽揀玩具時都好小心⋯買玩具前諗下對佢有冇意義，有冇學習成份⋯ 迪士尼美語世界除咗DVD同課本之外，係會跟埋一套Play along 玩具，入面既玩具正正係DVD入面小朋友玩緊，所以豆豆一直都好鐘意，而豆媽都好小買其他玩具俾佢，呢段片睇到豆豆十一個月時已經識玩疊高高喇！ 玩 疊高高 ： https://youtu.be/id7ikz3WTjY 攝於豆豆・11m13days 其實小朋友真係可以好叻，唔好低估佢地既能力， 唔好以為 未夠一歲一定唔識， 片睇完唔係就算， 佢地會慢慢吸收，有日佢會做比你睇，證明佢地有留心有學到野！ 有媽媽會擔心睇得多眼晴會壞，但好似我咁，一日開一次DVD， 睇完通常都會比佢做其他野，等佢望返遠野，

唔知係時間過得快定豆豆大得太快，轉眼間一年已過，豆豆已經一歲喇⋯ 豆豆成長紀錄都寫到第六篇了！ 係豆媽心目中豆豆個樣冇乜變過，訓覺個樣仍然好似我第一眼望見佢既傻豬樣， 但一歲唔可以再話佢係BB啦，就 快係會行會走既小朋友了！ 呢兩個月識既指令多咗、行路快咗、講野多咗、食野叻咗，最開心既係訓得好咗！ CHECK POINT 1. 飲食改變 一歲前都係以奶為主，一直都同自己講餵到幾耐就盡餵，不過十個月多月開始我既奶量慢慢下降，由一日兩泵到一泵，由120、60、40、30、15ml 慢慢小落去⋯ 放假全埋身時都好擔心豆豆唔夠食，一直冇投訴既佢突然有一日爆喊，喊到我成個人都好亂，最後自己都忍唔住喊，個心好似穿咗個窿咁，不停係腦裡出現呢幾句說話： 「豆豆唔鐘意媽媽啦」「豆豆唔要我啦」 「我唔再特別啦」－ 11m9days豆豆正式離乳。 好彩佢肯食奶粉，亦冇腸胃不適，日日都有poopoo去！ 一日仲有飲4-5次，飲100-150ml。 而最令我安慰既係佢唔再需要奶睡，飲完奶放床後佢大概用半個鐘去哄自己入睡。 一歲後需要以食物為主食，固體方面仍然係2-3餐，早餐有時食麵包、生果， 午餐及晚餐內會有肉類、麵粉/飯類、蔬菜、乳製品。 肉類：雞肉、豬肉、牛肉、魚、蝦 麵粉/飯類：麵包、蛋糕、長通粉、意粉、烏冬、車仔粉、白飯、蒸薯餅、蛋餅、Pancake 蔬菜：菜、粟米、蕃茄 乳製品：豆腐、yogurt 生果：藍莓、香蕉、士多啤梨、蘋果、提子、牛油果、火龍果、橙、柑、車厘茄、奇異果 零食：餅、波波米、芝士條、曲奇 一歲生日，豆媽整咗蛋糕比佢玩cake smash 詳細blog可以睇返呢度： https://ohmamamanis.blogspot.com/2018/12/blwfor-cake-smash.html CHECK POINT 3. 學習指令 開始模仿大人既動作令我覺得佢真係大個女了！ 12m DONE ・搖頭 ・咪眼笑 ・踢波 11m DONE  ・ 舉手  ・伸俐  ・原地踏腳 ・打娃娃 ・識除過頭笠既衫 ・熄燈 ・摸頭仔 10m DONE  ・掉波 ・睇書  ・Peekaboo  ・ 打筋斗動作  ・錫錫   ・拍

一歲喇一歲喇！豆豆一歲喇！ 豆媽第一次親手整蛋糕比豆豆，今次整豆奶海綿蛋糕 海綿蛋糕材料： 雞蛋 3隻 (蛋黃及黃白分開) 低筋麵粉 80g (需要 過篩) 豆奶 90ml 米糠油 20g 稀少糖 10g 忌廉材料： 鮮忌廉 200g 稀少糖 10g 海綿蛋糕 做法： 01. 雪櫃取出雞蛋，將蛋黃及蛋白分開，黃白雪起備用。 02. 將蛋黃加入稀少糖打勻至奶黃色。 03. 分2－3次慢慢加入米糠油及已過篩的低筋麵粉拌勻。 04. 用刮刀慢慢拌勻至蛋黃粉糊備用。 05. 雪櫃取出蛋白，用電動打蛋器打至起泡(約4-5分鐘)，打至泡沫變得堅挺，倒轉不會流下來。 06. 將蛋白泡沫用膠刮刀分2－3次倒進蛋黃粉糊，從下至上輕力拌勻。(約3分鐘) 07. 預熱焗爐160度。 08. 將蛋糕糊倒入6吋圓形蛋糕模，在桌上敲幾下，將裡面的氣泡逼出來。 09. 放入焗爐焗20分鐘。 10.避免蛋糕縮回， 焗完後 將蛋糕取出後倒轉蛋糕盆( 用蒸架 乘起 放涼 ) ，放涼後就可以脫模。 忌廉 做法： 雪櫃取出 鮮 忌廉用電動 打蛋器中度發 打至起泡，期間加入 稀少糖，發打 至7成杰度( 適合塗抺 蛋糕) 裝飾： 可以準備生果如士多啤梨、藍莓等等

我諗大家都會遇過小朋友撕書既問題，如果係唔小心整爛豆媽覺得可以接受， 最怕係佢覺得撕書愈黎愈好玩，變本加厲！ 初生時我地都係會拎本書出黎幫佢揭，但到咗8個月左右豆豆好奇心多咗就會開始搶， 想自己 揭。主教材課程既書封面係硬皮厚底，但內頁係普通既紙質， 所以一開始俾佢自己 揭就要預咗佢會撕爛，一定要陪同下睇，唔睇住應該會得返個皮吧⋯ 10個多月時已經自己主動揭書睇  豆媽睇過某幾篇文章係講有關呢個行為應唔應該阻止，答案係 唔應該 。 其實「撕」呢個動作係冇問題，撕既過程中係練習緊佢地既小手肌肉， 只不過佢撕既係書，大人覺得係唔應該，有見及此，豆媽會係課餘時間比宣傳紙張豆豆撕， 當佢睇書時就不斷催眠同佢講「呢本係書唔可以撕爛架，爛咗就冇得睇架喇！」 即使係陪同下 揭書 睇書，但都會 揭得唔好，有時係貪玩成個身訓落去扯爛， 有時係頁與 頁之間用得太大力而爛，當爛咗時豆媽都會深 呼吸再同自己講： 唔緊要，係學習既過程黎，可以換既！ 有時會唔小心撕爛，有時會特登撕爛⋯ 可以換？對喇！！ 呢樣就係成為迪士尼美語世界會員其中一樣可享有既福利， 教育顧問成日話唔怕， 比佢多D自己睇，爛咗就換。 豆媽 唔想令小朋友覺得呢個係整爛既藉口，所以當唔 小心整爛時我會用膠紙修補， 到完成一個顏色既課程豆媽先俏俏地幫佢換書！ 豆豆睇咗藍色系列都一段時間，都真係爛得好慘烈⋯⋯ 前排豆媽就係網上面申請換過一批新書，真係好興奮地要講聲－係－時－候－換－新 － 書－喇！yeah！ 申請完好快就收到電話確認，只要兩星期內帶埋舊書去換就搞掂！ 又可以開開心心地揀書睇喇！ 所以整體對迪士尼美語的評價都唔錯嘅。 有機會再慢慢分享豆豆之後學習成長之路， 下次再見啦！  FB |  https://www.facebook.com/gogomanis/ IG |  be.mani s 靚太Club  |  https://wow.esdlife.com/gogomanis Blogspot   |  http://ohmamamanis.blogspot.hk/   BE Certified Blogger  |  BE.MANIS